be
pdf

Слонімскі край 5 (51) 2020

гісторыка-краязнаўчае электроннае выданне

Гэтае здарэнне адбылося ў нашым горадзе вясной 1657 года. Трэці год, як пачалася вайна Рэчы Паспалітай (аб’яднанай дзяржавы Вялікага княства Літоўскага і Польшчы) з Маскоўскай дзяржавай. У гісторыі яна вядома як “крывавы патоп”. Маскоўцы акупавалі значную частку ВКЛ разам са сталіцай Вільняй. Супраць Рэчы Паспалітай пачала агрэсію Швецыя, якая адначасова апынулася ў стане вайны і з Масквой. У той сітуацыі ў 1655 годзе вялікі гетман літоўскі Януш Радзівіл падпісаў унію ВКЛ са Швецыяй. Але адбыўся раскол эліты — значная яе частка не хацела разрыву з Польшчай на карысць шведаў. У 1656-м праект уніі са Швецыяй быў пахаваны, а вялікім гетманам літоўскім замест верагодна атручанага Януша Радзівіла стаў Павел Сапега. База сабранага ім войска ВКЛ была на неакупаваных Падляшшы і Берасцейшчыне. Сапега падтрымліваў караля Рэчы Паспалітай Яна Казіміра ў яго вайне супраць шведаў і чакаў, калі настане час для вызвалення земляў ВКЛ ад маскоўцаў. Збіранню сіл спрыяла падпісанае ў лістападзе 1656 года замірэнне з Маскоўскай дзяржавай. Што ж тады адбывалася са Слонімам? Маскоўскія войскі яго разрабавалі і часткова спалілі ў верасні 1655 года. Большасць жыхароў пахавалася па лясах, а тых, хто застаўся, акупанты пазабівалі. Калі маскоўцы сышлі, людзі вярнуліся ў горад. Праз два месяцы акупанты зноў праходзілі праз Слонім і пакінулі невялікую залогу (гарнізон), якая была яшчэ і ў наступным годзе. Але пасля падпісання замірэння найхутчэй яе адклікалі.

Каталёг: Kamunikat.org
Пэрыёдыка: Слонімскі край
Выдаўцы і выдавецтвы: Copyright © 2020 by Слонімскі край
  • Месца выхаду: Слонім
  • Дата выхаду: 2020-04-01
  • Рэдактар: Ёрш Сяргей (рэдактар нумару), Чыгрын Сяргей
  • Выдавец: Copyright © 2020 by Слонімскі край
  • Кнігазбор: Kamunikat.org
Камунікат.org – Беларуская Інтэрнэт-Бібліятэка
Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк
Fundacja Kamunikat.org | KRS 0000735360 | NIP 5423316380 | REGON 380450384 ul. Proletariacka 11 |15-449 Białystok| Polska
Правы © 2000-2024 by Kamunikat.org