be
pdf

Весткі й Паведамленьні 3 (601) 2016

інфармацыйны бюлетэнь Згуртаваньня "Пагоня"

Беларуская Антымарозная вечарына (Anti-freeze chill out) прайшла 24-га студзеня ў клюбе Meridian 23 на Мангэтане. Гэта ўжо другая па ліку беларуская вечарына ў рамках праекта Dzed Baradzed Party. Першая вечарына адбылася 11-га сьнежня 2015 г., у ёй бралі ўдзел беларускі поп-рок гурт “ProSSpekt” і DJ Christoph Noyman. Таксама беларускі гурт “Безь білета” прэзэнтаваў сваё відэамузыкальнае прывітаньне. Зьвярнуўшыся да беларусаў, што жывуць ў Нью-Ёрку, яны заклікалі землякоў зьбірацца разам, аб’ядноўвацца і стаць моцнай суполкай. У той дзень на вечар прыйшло амаль 150 чалавек. А квіткі ўжо былі распрададзеныя за дзень да імпрэзы. Таму, натхнёныя прыемнымі ўражаньнямі і добрымі водгукамі, мы, як арганізатары, вырашылі зладзіць новую вечарыну ўжо ў студзені 2016 года. Але гэтым разам правядзеньню імпрэзы перашкодзіла надвор’е. Сьнегапад і перабоі ў працы грамадзкага транспарту значна зьменшылі колькасьць гасьцей. Затое назва “Антымарозная вечарына” вельмі добра супала з тым, што адбывалася ў той дзень за сьценамі клюба. І ўсё ж 75 чалавек дабраліся і змаглі цудоўна адпачыць.

Каталёг: Kamunikat.org
  • Месца выхаду: Нью Ёрк
  • Дата выхаду: 2016-03
  • Copyright: © 2016 by Весткі й Паведамленьні
  • Кнігазбор: Kamunikat.org
Камунікат.org – Беларуская Інтэрнэт-Бібліятэка
Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк
Fundacja Kamunikat.org | KRS 0000735360 | NIP 5423316380 | REGON 380450384 ul. Proletariacka 11 |15-449 Białystok| Polska
Правы © 2000-2024 by Kamunikat.org