Дзень Волі ў Гародні: актывісты зачыталі ІІІ устаўную грамату БНР

Дзень Волі ў Гародні: актывісты зачыталі ІІІ устаўную грамату БНР


25 сакавіка 2020 года гарадзенскія актывісты ў цэнтры горада пад бела-чырвона-белым сцягам зачыталі ІІІ ўстаўную грамату БНР.

Пра акцыю распавядае намеснік старшыні Партыі БНФ Вадзім Саранчукоў:

– Інстытуты, якія былі закладзеныя тады, так і не былі рэалізаваныя да канца, таму мы працягваем, пацвярджаем сваю прыхільнасць да гэтых ідэалаў. Сімвалічна зачыталі сёння ўстаўную грамату Беларускай народнай рэспублікі. Заяўляем, што ўся наша дзейнасць скіраваная на дасягненне менавіта тых мэтаў, якія ставілі сабе айцы-заснавальнікі нашай дзяржавы.

На думку Андрэя Несцяровіча, на такія даты як Дзень Волі нельга забывацца:

– Ёсць дата, якую варта адзначаць, мы гэта і зрабілі. Нейкім чынам у гэтых умовах, асабліва ў гэтых вось цяжкіх умовах на сённяшні дзень, трэба неяк кааперавацца, трэба паказваць, што жыццё ёсць, яно працягваецца. І важнасць падзеі не мяняецца ад таго, што, скажам, эпідэміялагічная ці крызісная абстаноўка мяняецца ў свеце. Трэба працягваць быць сабой.

Пасля зачытвання ўстаўной граматы актывісты заспявалі «Пагоню» і «Магутны Божа».

Беларускае Радыё Рацыя

Фота Сяргея Апановіча

Крыніца: Беларускае Радыё Рацыя