be

...I першым паказаўся Каліноўскі

Янушкевіч Язэп
Спадчына Кастуся Каліноўскага на беларускай, летувіскай, польскай, украінскай, нямецкай, ангельскай і гішпанскай мовах

Кніга выходзіць да 22.11.2019 — дня перапаховін парэшткаў 20 ўдзельнікаў нацыянальна-вызвольнага Паўстаньня, адшуканых у 2017-2018 гг. на гары Гедзіміна ў Вільні. Захоўваючы аўтарскае права летувіскіх калег да першадруку невядомых археалагічных матэрыялаў, абліччаў інсургентаў, адкапаных на гары Гедзіміна, публікацыя іх у беларускіх і інш. выданьнях — справа бліжэйшай будучыні. Выданьне знаёміць з публіцыстычнай спадчынай Кастуся Каліноўскага, якая засталася пасьля ахвярнай сьмерці 10/22 Сакавіка 1864 года праз павешаньне расейскімі карнікамі легендарнага кіраўніка антыкаланіяльнага Паўстаньня. Нагадаем, што ў наступным, XX стагодзьдзі ў той самы дзень, 22 сакавіка 1943 г. (праўда, ўжо іншымі карнікамі) будзе вымардаваная нашая Хатынь. Узіраючыся ў гэтыя (толькі дзьве!) астральныя зоркі над сьмяротным небасхілам Беларусі-Літвы, кожны з тых далёкіх сучасьнікаў, нашых змагарных продкаў, на момант адчуваў немінучую сьмерць уласнай нацыі. Спадчына К.Каліноўскага традыцыйна складаецца з «лісткоў» «Мужыцкай праўды» (№ 1-7; таксама друкуецца новы варыянт № 6, адрозны ад хрэстаматыйна вядомага) і трох «Лістоў з-пад шыбеніцы». Апошнія падаюцца ў даўнім перакладзе (1980 г.) на ангельскую мову (Янкі Запрудніка, То¬маса Бэрда), а таксама на летувіскай (Яніны Мажэйкайтэ-Кісялёвай), нямецкай (Монікі Банькоўскай-Цуліг), польскай (Чэслава Сэнюха, Яна Гушчы), украінскай (Ігара Біліньскага, Олександра Ірваньця, Наталкі Пазьняк) і ўпершыню на гішпанскай (пераклад Анхелы Эспіносы Руіс) мовах.

Каталёг: Каталёг БГТ
Беларускія аўтары: Янушкевіч Язэп
  • Месца выхаду: Ракаў
  • Дата выхаду: 2019
  • Памеры: 108 стар. + 4 каляр. укл.
  • Катэгорыя: Гісторыя, Культура, Мастацкая літаратура, Грамадзтва
  • Кнігазбор:
    • BTH — бібліятэка Беларускага Гістарычнага Таварыства, ul. Proletariacka 11, Białystok (папяровы асобнік)
  • Інвэнтарныя нумары: BTH — 4682
Камунікат.org – Беларуская Інтэрнэт-Бібліятэка
Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк
Fundacja Kamunikat.org | KRS 0000735360 | NIP 5423316380 | REGON 380450384 ul. Proletariacka 11 |15-449 Białystok| Polska
Правы © 2000-2024 by Kamunikat.org