Мінскі магістрат і гарадская рада ў дакументах

Пратаколы пасяджэнняў мінскага магістрата і гарадской рады найбольш поўна з вядомых дакументаў структур мясцовага самакіравання асвятляюць пытанні дзейнасці органаў польскай улады ў горадзе ў 1919–1920 гг. У іх адлюстравана арганізацыйная структура, асабовы склад, асноўныя напрамкі дзейнасці, пытанні ўзаемадзеяння магістрата з польскай ваеннай уладай і органамі грамадзянскай адміністрацыі. Асаблівае значэнне яны маюць для вывучэння рэалій паўсядзённага жыцця жыхароў Мінска і яго ваколіц. На сённяшні дзень стан захаванасці большасці з матэрыялаў мінскага магістрата нездавальняючы: танная папера, прызначаная для стварэння копій дакументаў, з-за ветхасці стала ломкай і пачала крышыцца, а выгаранне чарніл прывяло да таго, што частка тэкстаў не чытаецца. Усё гэта пагражае стратай унікальных дакументальных крыніц. Таму адной з галоўных мэт дадзенага зборніка стала іх выратаванне і ўвядзенне ў шырокі навуковы зварот. Ёсць іменны, геаграфічны і прадметны паказальнікі. Кніга разлічана на прафесійных даследчыкаў, выкладчыкаў і ўсіх тых, хто цікавіцца гісторыяй Беларусі ХХ стагоддзя.

• Месца выхаду: Мінск
• Дата выхаду: 2020
• Рэдактар: Дашкевіч Алена, Скеп\'ян Анастасія - укладальнікі
• Выдавец: А. М. Янушкевіч
• Памеры: 396 с., [16] арк. іл. + карта
• ISBN: 978-985-7210-70-1
• Катэгорыя: Гісторыя
• Кнігазбор:
  • BTH — бібліятэка Беларускага Гістарычнага Таварыства, ul. Proletariacka 11, Białystok (папяровы асобнік)
• Інвэнтарныя нумары: BTH — 4881
• Дадатковая даведка: Падрыхт. да друку, прадм. і камент. А. Г. Дашкевіч, А. А. Скеп’ян ; пер. з пол. А. А. Скеп’ян