Ад “ружовых поні” да радыкалізацыі: якія мы цяпер — эфір з Карпавым

Пераважная большасць тых, хто быў вымушаны пакінуць (і працягвае пакідаць) Беларусь пасля падзей 2020 года і ў выніку рэпрэсій, якія і да сёння не спыняюцца, ехала з перакананнем, што гэта ўсё ненадоўга і вяртанне будзе неўзабаве. Але рэжым паставіў на рэпрэсіі і гатовы на ўсё дзеля захавання сябе. Адпаведна, нават зацятыя прыхільнікі “негвалтоўнай змены рэжыму” пачалі радыкалізавацца. І калі ў полк Каліноўскага не запісаліся, то прынамсі прызналі непазбежнасць сілавога сцэнарыя.

Дзе сёння аказалася беларускае грамадства, якія выклікі стаяць перад беларусамі? Ці магчыма па-ранейшаму заставацца ў “беларускай павестцы” ці варта займацца ўладкаваннем жыцця ў эміграцыі? Радыкалізацыя грамадства сапраўды адбываецца і ў чым гэта можа праявіцца? На гэтыя ды іншыя пытанні ў эфіры Еўрарадыё адказвае публіцыст Стась Карпаў.