Акцыі салідарнасці з беларусамі ў Італіі

Адразу некалькі акцыяў салідарнасці цягам тыдня адбылося ў Італіі.

Беларусаў, якія пікетавалі, можна было знайсці ў Рыме ды Мілане, – распавяла адная з галоўных арганізатарак, беларуска Кацярына Зузюк:

– Здарылася так, што пасля арышту Віктара Бабарыкі беларусы ўсяго свету сталі пільна сачыць за падзеямі, якія адбываюцца дома. Мы ўсе думаем і адчуваем аднолькавыя рэчы. Атрымалася так, што мы сталі вельмі пільна сачыць за сітуацыяй дома, і адразу ў нас узнік парыў выходзіць з пікетамі на вуліцы, каб прыцягваць увагу грамадскасці да тых абуральных падзеяў, якія адбываюцца ў Беларусі.

У часе італьянскіх акцый беларусы трымалі ў руках фотаздымкі тых, хто зараз знаходзіцца за кратамі, плакаты, а таксама сімвалічна былі раскладзеныя тапкі.

Беларускае Радыё Рацыя
Фота з фэйсбука Nata Kulicka і „Мая Радзіма Беларусь”