Беларускія Ведамасьці 62

Дарагія землякі, дарагія беларусы! Сёньня, як заўсёды, мы тут, у трагічным і знакавым месцы, дзе прышлыя чужаніцы расстрэльвалі наш народ. Курапаты – гэта народ-ная магіла, сымвал нашага народнага вынішчэньня. Але ў 1988 год-зе, калі былі адкрытыя Курапаты, гэты знак адчыніўся нанова, стаўся сымвалам народнага ўваскрашэньня. Менавіта з адкрыцьця праўды пра Курапаты пачалося новае Беларускае Адраджэньне. Якраз адсюль і з гэтага часу пачаўся Беларускі Народны Фронт. Беларусь уваскрэсла, паўстала з магілы, куды яе ўжо амаль загнаў маскоўска-бальшавіцкі во-раг чалавецтва. Курапаты – зямля сьмерці – сталі прадметным месцам беларускага ўваскрашэньня. Найперш гэтую зьяву адлюстроўвае Курапацкі Крыж Пакуты – сым-вал аднаўленьня і вечнага жыцьця, сымвал, які народ стварыў сам. А сымвал, як вы ведаеце, незьнішчальны. Могуць часова разбурыць яго форму, але немагчыма зьнішчыць значэньне і зьмест. У Дзень Дзядоў, памятаючы мінулае, ёсьць сэнс гаварыць пра бу-дучыню, якая залежыць ад тых, што жывуць. Бо ведаем: толькі той народ, які шануе продкаў, мае прышласьць. Нашая прышласьць будзе належыць нашаму народнаму адраджэньню. Няма іншага шляху ў бу-дучыню, як адрадзіць нашу нацыянальную культуру, нашу нацыяналь-ную дзяржаву, нашу вялікую беларускую мову, нашу магутнасьць, веліч і моц. Няма іншай альтэрнатывы, як духоўна адрадзіцца і з годнасьцю жыць. Усе іншыя прапановы, думачкі і дарожкі – ідуць ад лукавага. Не хадзіце дарогай лукавага, бо ў канцы той дарогі – народная сьмерць!

• Месца выхаду: Нью-Ёрк-Варшава
• Дата выхаду: 2007-12
• Выдавец: Пазьняк Зянон, Палачаніна Галіна
• Кнігазбор: Kamunikat.org
• Дадатковая даведка: Выдаецца з 1996 г.; З 2000-га - выключна на ахвяраваньні беларусаў за мяжой (найперш - новай эміграцыі), беларускіх арганізацыяў і, дзякуючы ахвярнай працы рэдакцыі ды сяброў Фронту і Кансэрватыўна-Хрысьціянскай Партыі - БНФ http://www.zianonpazniak.de Выданьне публікуецца тут за ласкавай згодай Рэдакцыі