Беларусы ў свеце 3 (262) 2024

Віленская сустрэча з пісьменнікам Уладзімірам Арловым усё ж адбылася ўвечары 22 сакавіка. Гэтым разам, як і ў Коўне напярэдадні, вечарыну наведалі літоўскія госці, у тым ліку тыя, хто называе знакамітага пісьменніка “галоўным ідэолагам літвінізму”. Дыскусіяй закіды некаторых з іх назваць цяжка, бачна, што сустрэчы з занепакоенымі актывістамі будуць мець працяг. Балтыйскі тур Уладзіміра Арлова зладзіў яго выдавец і заснавальнік найбуйнейшай беларускай інтэрнэт­ бібліятэкі (а цяпер яшчэ і выдавец­тва) Kamunikat.org Яраслаў Іванюк. Сустрэча ў Коўне была таксама пад пагрозай зрыву, паведаміў Яраслаў Іванюк, але сваю дапамогу прапана­ ваў дацэнт Універсітэта Вітаўта Вялікага, дырэктар Інстытута Вяліка­га КнястваЛітоўскага Русціс Камун­тавічус. У выніку Уладзімір Арлоў прэзентаваў свае кнігі ва ўніверсітэце. Як сказаў сам Русціс Камунтавічус на адкрыцці імпрэзы ў Вільні, яму, які са студэнтамі шмат чытаў і выву­чаў творы Арлова, зараз “вельмі няўтульна, што такія рэчы робяцца ў Літве”, што прыходзіцца “пера­носіць з аднаго месца ў іншае сустрэчу з такім легендарным аўтарам”. Нагадаем, што скандальнасць гэта­му туру Уладзіміру Арлова надалі до­пісы літоўскіх барацьбітоў з так зва­ным літвінізмам, арганізаваных сля­доў якога не знайшоў і Дэпартаментнацыянальнай бяспекі Літвы, як свед­чыць яго зусім нядаўняе паведамлен­не.

• Месца выхаду: Мінск
• Дата выхаду: 2024-03
• Рэдактар: Н. Шыдлоўская, А Макоўская
• Выдавец: МГА “ЗБС “Бацькаўшчына”
• Copyright: © 2024 by МГА “ЗБС “Бацькаўшчына”
• Кнігазбор: Kamunikat.org