Беларусы ў ЗША выходзяць на акцыі салідарнасці

2020-06-29 15:53

:/:

У падтрымку палітзняволеных і з заклікам не заставацца абыякавымі да сітуацыі ў Беларусі ў межах пікету салідарнасці выйшлі беларусы ў Вашынгтоне, што ў ЗША.

Агульная колькасць удзельнікаў масавага мерапрыемства — 25 чалавек, — распавёў адзін з арганізатараў Аляксандр Янкоўскі:

– Першы сход у нас адбываўся непасрэдна насупраць беларускай амбасады. Гэта быў суботні дзень, амбасада, на жаль, была зачынена. Мы проста сабраліся насупраць яе. Гэта быў першы раз. Але я не сумняюся, што нагоду беларуская дзяржава нам будзе даваць яшчэ не раз. Таму я думаю, што гэта быў не апошні раз.

Цягам выходных пікеты салідарнасці ў ЗША адбыліся ў такіх гарадах як Нью Ёрк, Маямі, Сан-Дыега, Халандэйл, Осцін, Бостан, Вашынгтон, Сэнт-Аўгусцін, Х’юстан, Філадэльфія, Лос Анжэлес, Чыкага ды Шарлот. Апошняе бліжэйшае мерапрыемства запланаванае на 2 ліпеня ў Пітсбургу.

Беларускае Радыё Рацыя

Крыніца: Беларускае Радыё Рацыя

Камунікат.org – Беларуская Інтэрнэт-Бібліятэка

Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк