Гісторыя філасофскай і грамадска-палітычнай думкі Беларусі

У 6 т. Т. 3. Рэфармацыя. Контррэфармацыя. Барока

Трэці том з’яўляецца лагічным працягам двух папярэдніх і прысвечаны другой палове XVI – пачатку XVII ст. у інтэлектуальнай гісторыі Бе-ларусі. У цэнтр увагі аўтараў трапілі рэлігійныя феномены – рэфармацыйныя і контррэфармацыйныя кірункі тагачаснай беларускай думкі. Праана-лізавана шматлікая палемічная і выхаваўчая літаратура прадстаўнікоў розных канфесійных напрамкаў і рэканструяваны адметнасці пабудовы тэалагічных сістэм. Кніга змяшчае развагі аўтараў датычна самой сітуацыі мультыканфесійнасці культуры ВКЛ, можна прасачыць, як паступова беларуская культура шукала адказы на выклікі суіснавання некалькіх веравы-знаўчых парадыгм у адным часе і прасторы, спараджаючы ўнікальныя ма-дэлі талерантнасці і сінтэзу. Значная частка тома прысвечана разгляду і ана-лізу феномена барочнай культуры ў інтэлектуальнай гісторыі Беларусі, тых новых парадыгм мыслення і бачання чалавека і свету, якія запачаткавала Барока на нашых землях. Прызначаецца спецыялістам у галінах філасофіі, гісторыі культуры, культуралогіі, палітычных і сацыяльных навук, а таксама ўсім, хто неабыякавы да айчыннай інтэлектуальнай спадчыны.

Каталёг: Kamunikat.org

Выдаўцы і выдавецтвы: Беларуская навука

Месца выхаду: Мінск
Дата выхаду: 2013
Рэдактар: В. Б. Евароўскі і інш.
Выдавец: Беларуская навука
Памеры: 615 с., 21 см
ISBN: 978-985-08-1561-3
Катэгорыя: Філязофія, Гісторыя, Культура, Палітыка, Грамадзтва
Кнігазбор: Kamunikat.org

Камунікат.org – Беларуская Інтэрнэт-Бібліятэка

Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк