Іх лёсы звязаны з Вільняй

Беларусаў у Вільні складана назваць эмігрантамі, бо тут яны з'яўляюцца прадстаўнікамі карэннай нацыі. Для многіх сёння дадзеная тэрыторыя – гэта прытулак, знойдзены не ў пошуку лепшай долі, а з мэтай зберагчы сябе і сваіх родных. Менавіта тут зараз знаходзіцца і працуе сямён Шарэцкі - старшыня Вярхоўнага Савету Беларусі 13 склікання. Сустракаючыся з беларусамі ў Вільні Сямён Георгіевіч піша пра іх лёсы. Нягледзячы на сваё знаходжанне далёка ад Бацькаўшчыны, многія засталіся патрыётамі і сапраўднымі Беларусамі. У кнізе "Іх лёсы звязаны з Вільняй", Сямён Шарэцкі распавядае пра Хведара Нюньку, Ніну Брылеўскую, Кастуся і Лёдзю Шышэі. Аўтар з жалем канстатуе, што зараз на Беларусі выдаецца вельмі мала мемуарнай літаратуры, у якой расказвалася б аб жыцці і дзейнасці канкрэтных людзей. Адсутнасць такой літаратуры збядняе гісторыю народа, якая з`яўляецца апісаннем яго развіцця (асобных падзей, рэлігіі, літаратуры, мастацтва, эканомікі, грамадска-палітычнага ладу і іншых бакоў жыцця). Без апісання жыцця і дзейнасці канкрэтных людзей гісторыя заўжды будзе сухой і бязлікай, калі не сказаць штучнай. (Н. Г.)

• Месца выхаду: Вільня
• Дата выхаду: 2002
• Катэгорыя: Гісторыя, Грамадзтва
• Copyright: © 2002 by Сямён Шарэцкі
• Кнігазбор: Kamunikat.org
• Дадатковая даведка: У кнізе на прыкладзе жыцця некалькіх беларускіх патрыётаў паказаны лёс значнай часткі беларускага народа, якому давялося ва ўмовах двух самых крывавых іншаземных рэжымаў ХХ стагоддзя змагацца за адраджэнне сваёй нацыянальнай дзяржавы і культуры.