“Кніжны Воз” агучыў “Каласы…” — публікуе штотыдзень па раздзеле

2025-03-28 20:27

Ініцыятыва “Кніжны Воз” запісала новую нецэнзураваную аўдыяверсію культавага раману Уладзіміра Караткевіча “Каласы пад сярпом тваім” і будзе публікаваць яе штотыдзень фрагментамі.

Аўтаркай ідэі стварэння аўдыякнігі і ўкладальніцай праекту стала Алеся Сёмуха, хросная дачка пісьменніка. Праца над агучкай доўжылася больш за год. Акрамя сталых удзельнікаў каманды, адным з рэдактараў запісу стаў Сяргей Шупа.

Музыку напісала Вольга Падгайская, а за апрацоўку гуку адказваў Алянксандр Зелянеўскі. Агучылі Аляксандр Леановіч і Галя Костка.

Першыя два раздзелы ўжо можна бясплатна слухаць праз аплікацыю “Кніжны Воз”, або на сайце ініцыятывы. Працяг будзе публікавацца штотыдзень там жа.

“Каласы пад сярпом тваім” стаў адным з найбольш значных твораў беларускай літаратуры. Гістарычныя падзеі, шляхта, высакародныя сем’і, сялянскае жыццё, звычаі, легенды, побыт і цэлы шэраг вядомых асоб з нашай гісторыі.

Увага! Рэкамендуецца для праслухоўвання дзецям, старэйшым за 14 гадоў, альбо ў прысутнасці дарослых.

Крыніца: Міжнародны саюз беларускіх пісьменнікаў

Камунікат.org – Беларуская Інтэрнэт-Бібліятэка

Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк