Мзія і Сонейка

Васіл Гулеуры – грузінскі дзіцячы пісьменнік, аўтар больш за 30 апублікаваных кніг за два дзесяцігоддзі пісьменніцкай дзейнасці. Яго творы былі ўзнагароджаны некалькімі нацыянальнымі літаратурнымі прэміямі: прэміяй імя Якаба Гогебашвілі (тройчы), прэміяй Сагурама, прэміяй Цэра. Быў намінаваны на прэмію памяці Астрыд Ліндгрэн у 2018 і 2024 гадах. Яго апавяданні і вершы перакладзены на англійскую, французскую, нямецкую, літоўскую і шэраг іншых моў. Юры Несцярэнка – пісьменнік, перакладчык, паэт, сябра Саюза беларускіх пісьменнікаў, аўтар кніг прозы і публіцыстыкі. Для дзяцей напісаў кнігі “Чароўныя назвы” і “Неверагодны свет”. У 2022 годзе, у Тбілісі, падчас правядзення міжнароднага літаратурнага фестываля, пазнаёміўся з Васілам Гулеуры. Вынікам творчага супрацоўніцтва беларускага і грузінскага літаратараў сталі пераклады дзіцячых вершаў спадара Васіла на беларускую мову.

• Месца выхаду: Беласток
• Дата выхаду: 2025
• Выдавец: Фонд Kamunikat.org
• Памеры: 48 с.
• ISBN: 978-83-67937-58-0
• Катэгорыя: Дзіцячая літаратура
• Copyright: © 2025 by Гулеуры Васіл, Любоў Абрамкіна – мастацкае афармленне, Юры Несцярэнка – пераклад на беларускую мову, Фонд Kamunikat.org
• Кнігазбор:
  • прыватны кнігазбор у Беластоку (папяровы асобнік)