Народная Воля 160-161

Почырк Шэймана. Навіна аб тым, што Аляксандр Лукашэнка напрыканцы мінулага тыдня сустрэўся з прадстаўнікамі сваёй ініцыятыўнай групы па вылучэнні на новы прэзідэнцкі тэрмін, стала адной з самых абмяркоўваемых сярод экспертаў. Бо гэтых самых прадстаўнікоў, згодна з тэлевізійным кадрам, на сустрэчы было ўсяго два — Аляксандр Радзькоў і Віктар Шэйман. І гэта значыць, што "шэры кардынал", які сядзеў па левую руку ад прэзідэнта, вярнуўся ў вялікую палітыку. Шэйман, адзін з тых "старых ваўкоў", якія прывялі Аляксандра Лукашэнку да ўлады, два гады таму вымушаны быў пакінуць кабінет дзяржсакратара Савета нацыянальнай бяспекі. Фармальна — з-за выбуху, які адбыўся ў Мінску падчас святкавання Дня незалежнасці. Нефармальна — пацярпеў паразу ў канкурэнцыі з "маладымі ваўкамі". Як вядома, старэйшы сын беларускага кіраўніка Віктар Лукашэнка стаў дарадцам бацькі па пытаннях нацыянальнай бяспекі, з часам набраў моц, пачаў браць сілавыя структуры пад свой кантроль, актыўна ўдзельнічаць у расстаноўцы новых кадраў. І на гэтай паляне двум Віктарам, верагодна, стала цесна. Шэймана звольнілі. Ён знік так раптоўна і так адусюль, што былыя падначаленыя ўсур'ёз клапаціліся: "Ці жывы?" Чуткі падаграваліся тым, што адначасова праходзіла маштабная зачыстка "шэйманаўскіх" — яны масава сыходзілі на пенсію ці звальняліся з сілавых ведамстваў. Але чалавек, якога справядліва называлі "шэрым кардыналам" пры Лукашэнку, аказаўся надзвычай жывучым. І пасля, як усім думалася, няміласці выплыў на пасадзе памочніка прэзідэнта — пасла па асобых дар

• Месца выхаду: Мінск
• Дата выхаду: 2010-10-12
• Рэдактар: Сярэдзіч Іосіф
• Выдавец: УК Народная Воля
• Copyright: © 2010 by Народная Воля
• Кнігазбор: Kamunikat.org