Народная Воля 36-37

Канцылярыя прэзідэнта Літвы Далі Грыбаўскайтэ пацвердзіла факт запрашэння Аляксандра Лукашэнкі на ўрачыстасці з нагоды 20-годдзя незалежнасці Літоўскай Рэспублікі 11 сакавіка. “Такое запрашэнне было адпраўлена. Адказ мы чакаем”, — паведамілі БелаПАН у канцылярыі. Атрымаць каментарый у прэс-службе беларускага прэзідэнта не ўдалося. Калі нумар газеты здаваўся ў друк, яшчэ не было вядома, ці паедзе Аляксандр Рыгоравіч у Вільнюс. Апошнім разам А.Лукашэнка наведваў Літву 16 верасня 2009 года, ён браў удзел у працы беларуска-літоўскага эканамічнага форуму ў Вільнюсе. Тады ж адбылася сустрэча прэзідэнтаў Беларусі і Літвы, якая доўжылася прыблізна дзве гадзіны. Раней Грыбаўскайтэ заяўляла, што запрашэнне Лукашэнкі на святкаванне 20-годдзя аднаўлення дзяржаўнасці Літвы можа залежаць ад дзеянняў Мінска ў дачыненні да былога начальніка Вільнюскага гарнізона Уладзіміра Усхопчыка.

• Месца выхаду: Мінск
• Дата выхаду: 2010-03-10
• Рэдактар: Сярэдзіч Іосіф
• Выдавец: УК Народная Воля
• Copyright: © 2010 by Народная Воля
• Кнігазбор: Kamunikat.org