Народная воля 42 (4602) 2021

Навуковая рада Кіеўскага нацыянальнага ўніверсітэта імя Тараса Шаўчэнкі пазбавіла Аляксандра Лукашэнку звання ганаровага доктара. Рашэнне ініцыяваў новы рэктар Уладзімір Бугроў. Пазбаўленнне ганаровага звання Кіеўскага нацыянальнага ўніверсітэта адбылося ўпершыню ў ягонай гісторыі. Перад ухваленнем рашэння аб пазбаўленні Лукашэнкі звання сябры Навуковай рады ўхвалілі дакумент аб працэдуры пазбаўлення ганаровага звання. У маі пасля інцыдэнту з прымусовай пасадкай самалёта Ryanair і затрыманнем Рамана Пратасевіча рэктар Кіеўскага ўніверсітэта заклікаў чальцоў Навуковай рады тэрмінова пазбавіць Аляксандра Лукашэнку звання ганаровага доктара. Летась, пасля жорсткіх разгонаў акцый пратэсту супраць вынікаў прэзідэнцкіх выбараў у Беларусі з аналагічнай ініцыятывай выступілі выпускнікі Кіеўскага ўніверсітэта. Але тады навучальную ўстанову ачольваў акадэмік Леанід Губерскі, які ўручаў Лукашэнку дыплом, мантыю і ганаровы знак. Гэта адбылося 5 лістапада 2009 года падчас візіту Лукашэнкі ў Кіеў.

Каталёг: Kamunikat.org

Пэрыёдыка: Народная Воля

Месца выхаду: Мінск
Дата выхаду: 2021-06-08
Рэдактар: Сярэдзіч Іосіф
Кнігазбор: Kamunikat.org

Камунікат.org – Беларуская Інтэрнэт-Бібліятэка

Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк