Наша Ніва 36/2009

Унутры краіны здымаць Лукашэнку дазваляюць толькі групе абраных фатографаў, прычым з пэўных ракурсаў. Напрыклад, здымаць Лукашэнку ў профіль забаронена. На віленскіх здымках журналіст Віктар Малішэўскі разгледзеў цікавую дэталь — швейцарскі гадзіннік Patek Philippe Calatrava 5120j на руцэ Лукашэнкі. Такія каштуюць 11 тысяч еўра, або 16 тысяч даляраў. Інфармацыя пра заробак Лукашэнкі закрытая. Яе публікуюць толькі за гады, што папярэднічаюць прэзідэнцкім выбарам. У 2005 г. ён складаў каля 2300 даляраў у месяц. Хоць Лукашэнка не раз публічна называў сябе «жабраком», ён ацэньвае свой «дакладны час» у сем месячных заробкаў. Такой жа маркі, як ў кіраўніка Беларусі, гадзіннік і ў кіраўніка расійскага ўрада – Уладзіміра Пуціна. Ён карыстаецца гадзіннікам Patek Philippe Perpetual Calendar з белага золата, коштам 40 тысяч еўра. Гэта прыкладна гадавы легальны заробак расійскага прэм’ера. Не адстаюць ад прадстаўнікоў афіцыйнага Крамля і апаненты. Лідэр КПРФ Генадзь Зюганаў носіць гадзіннік Longines.

• Месца выхаду: Мінск
• Дата выхаду: 2009-09-30
• Рэдактар: Скурко Андрэй
• Выдавец: Прыватнае прадпрыемства Суродзічы
• Выдавецтва/ друкарня: Друкарня РУП Выдавецтва Беларускі Дом друку
• Copyright: © 2003-2010 by Наша Ніва
• Кнігазбор: Kamunikat.org