Наша Ніва 4/2009

Якія 100 мільярдаў, спадар Лукашэнка? Беларусь прасіла ў Расіі пазычыць яшчэ $3 мільярды — на пераход у разліках на расійскія рублі. Масква не дала. «Мы нават не разглядаем» просьбу Беларусі аб выдзяленні крэдыту 100 млрд расійскіх рублёў (каля $3 млрд) у абмен на пераход на разлікі ў рублях ва ўзаемным гандлі, заявіў 24 студзеня журналістам намеснік міністра фінансаў РФ Дзмітрый Панкін. «У іх былі ў лістах лічбы — 100 мільярдаў рублёў, мы гэта нават не разглядаем», — прывяло ягоныя словы агенцтва РІА «Новости». На пачатку мінулага году Расія выдала Беларусі $1,5 млрд у крэдыт. У канцы году — яшчэ адзін стабілізацыйны крэдыт, ужо $2 мільярды. Першую траншу яго Беларусь атрымала ў лістападзе, другая мае прыйсці ў лютым, пры ўмове, што Беларусь падпіша мемарандум аб эканамічных прэферэнцыях для Расіі на беларускім рынку, аформленых як «план сумесных дзеянняў дзвюх краін па пераадоленні наступстваў сусветнага фінансавага крызісу».

• Месца выхаду: Мінск
• Дата выхаду: 2009-01-28
• Рэдактар: Скурко Андрэй
• Выдавец: Прыватнае прадпрыемства Суродзічы
• Выдавецтва/ друкарня: Друкарня РУП Выдавецтва Беларускі Дом друку
• Copyright: © 2003-2010 by Наша Ніва
• Кнігазбор: Kamunikat.org