Наша Ніва 9/2009

Хрысціянскія прынцыпы, беларускі патрыятызм. Менавіта такі слоган 28 лютага вісеў у актавай залі Дому культуры МТЗ, дзе праходзіў Устаноўчы з’езд партыі Беларуская хрысціянская дэмакратыя. За апошняе дзесяцігоддзе гэта толькі другая спроба зарэгістраваць у краіне палітычную сілу. Першую ў 2007 годзе рабіў Уладзімір Навасяд, але Мін’юст адмовілася рэгістраваць ягоную Партыю свабоды і прагрэсу. Аргкамітэт БХД пачаў працу яшчэ ў 2005 годзе, але да актыўных дзеянняў па рэгістрацыі хадэкі падышлі толькі цяпер. Аргкамітэт доўга не мог знайсці памяшкання для працы з’езду, некаторыя нават былі гатовыя праводзіць яго на плошчы. Аднак урэшце быў атрыманы дазвол ад Мінгарвыканкаму. У шэрагі заснавальнікаў БХД увайшло 1060 чалавек з усіх рэгіёнаў краіны. На з’ездзе ж прысутнічала 206 дэлегатаў.

• Месца выхаду: Мінск
• Дата выхаду: 2009-03-04
• Рэдактар: Скурко Андрэй
• Выдавец: Прыватнае прадпрыемства Суродзічы
• Выдавецтва/ друкарня: Друкарня РУП Выдавецтва Беларускі Дом друку
• Copyright: © 2003-2010 by Наша Ніва
• Кнігазбор: Kamunikat.org