Навука 5 (2888) 2022

З пачатку дзейнасці Інстытута беларускай культуры асноўнай яго задачай было абвешчана ажыццяўленне каардынацыі і аб’яднання ўсёй навукова-даследчай працы ў рэспубліцы. Пры гэтым неабходна ўлічваць, што ў студзені 1922 г. Інстытут складалі ўсяго 15 асоб. Уважлівае вывучэнне архіўных дакументаў дазваляе сцвярджаць, што паспяховай рэалізацыі пастаўленай перад Інбелкультам задачы садзейнічала вельмі гнуткая кадравая палітыка, якая набывала адмысловы характар у адпаведнасці са зменамі ў даследчыцкай стратэгіі. Так, у 1922–1923 гадах у работы над навуковай тэрміналогіяй на беларускай мове ў рамках Інстытута было ўключана вузкае кола спецыялістаў, якія спалучалі веды ў асобных галінах з вопытам у лексікаграфіі. Сярод іх былі выбітныя прадстаўнікі беларускай інтэлігенцыі: І.Д. Луцэвіч (Я. Купала), Я.Ю. Лёсік, А.П. Круталевіч, М.А. Грамыка, К.М. Міцкевіч (Я. Колас), У.В. Чаржынскі, М.М. Гукоўскі, М.В. Азбукін. Кожны з іх браў на сябе апрацоўку групы тэрмінаў у адпаведнасці з вобласцю яго кампетэнцыі, вызначаў беларускі варыянт або адаптаваў тэрміны з розных моў, часцей за ўсё рускай, польскай, украінскай, лацінскай.

• Месца выхаду: Мінск
• Дата выхаду: 2022-02-01
• Рэдактар: Дубовік Сяргей
• Выдавец: НАН РБ
• Copyright: НАН РБ
• Кнігазбор: Kamunikat.org