Ніва 2007/11 (2653)

Адным з цікавейшых жанраў на тэлебачанні ёсць публічныя дэбаты. Паколькі на „беларускіх” тэлеканалах найбольш вострымі і радыкальнымі бываюць тэмы кшталту „Ці верыце вы ў сны?”, айчынны глядач шукае сапраўдныя дыскусіі на расійскіх „кнопках”. Там таксама за два тэрміны пуцінскага рэжыму свабоднага слова паменела ў разы, але час ад часу нешта можна ўбачыць і паслухаць. Неяк, ды і ўвогуле, пашчасціла — у адной са студый сабралі многа разумных людзей (звычайна, адбываецца жорсткая фільтрацыя і дазіроўка іншадумства, а тут добрая палова залы выказвала крамольныя па сённяшніх часах думкі). А гутарка тычылася дачыненняў Расіі з Амерыкай і сённяшняга месца расійскай дзяржавы ў сусветнай геапалітыцы. Самая страшная хвароба на свеце — гэта шавінізм. Расійскі шавінізм мае трывалыя карані і традыцыі, а зараз на ім грунтуецца дзяржаўная ідэалогія. Менавіта з шавінізму вырасталі ўсе расійскія і савецкія войны, усялякія там эканамічныя інтарэсы — усё гэта другасныя рэчы. Менавіта ахвярамі вялікадзяржаўнага шавінізму сталі ў наш час няшчасныя падводнікі „Курска”, школьнікі Бяслана і гледачы „Норд-оста”, тысячы чачэнскіх дзяцей і расійскіх салдат. А колькі гэтых ахвяраў наперадзе (махавік таталітарнай машыны раскручваецца вельмі хутка)!

• Месца выхаду: Беласток
• Дата выхаду: 2007-03-18
• Рэдактар: Вапа Яўген
• Выдавец: Праграмная рада тыднёвіка Ніва
• Выдавецтва/ друкарня: Orthdruk, Białystok
• Copyright: © 2007 by Праграмная рада тыднёвіка Ніва
• Кнігазбор: Kamunikat.org
• Дадатковая даведка: Zrealizowano przy udziale wsparcia finansowego Ministra Spraw Wewnętrznych i Administracji; Tekstów nie zamówionych redakcja nie zwraca. Zastrzega sobie również prawo skracania i opracowania redakcyjnego tekstów nie zamówionych. Za treść ogłoszeń redakcja nie ponosi odpowiedzialności. http://niva.iig.pl Выданьне публікуецца тут за ласкавай згодай Рэдакцыі й Праграмнай рады тыднёвіка Ніва