Ніва 2007/33 (2675)

Хоць традыцыйныя бельскія спасаўскія запусты маглі б быць і ракавыя, паміж праліўнымі дажджамі, што змачылі б і мастакоў з іх струмэнтам, і разагнаць маглі б найбольш верную публіку, абышлося без прыкрасцей: арганізатары — павятовы аддзел Беларускага грамадска-культурнага таварыства ў Бельску ды Бельскі дом культуры ў нядзелю 12 жніўня заказалі надспадзяванае надвор’е для спеваў і гульняў багата сабранай у гарадскім амфітэатры публікі. „Даў жа Бог погодоньку на нашу работоньку!” — пачалі выступленне тры гурты: ад найменшых, якім нават часам не было і пяці гадоў, нядаўніх удзельнікаў майстар-школы ў БДК, якіх падтрымала тэатральная група „Антракт”, пасля — два саставы студзіводскай „Жэмэрвы” ды маладзіцы, жанкі і бабулькі з ансамбля з пад Камянца ў Беларусі (там жа славутая Белая вежа) — „Навіцкавічы”. Прадстаўлены былі традыцыйныя жніўныя абрады, беларускія, падобныя па абодвух баках мяжы. Перад сцэнай на пляцоўцы ўвесь час бегалі малечы — новае пакаленне бяльшчан, спасярод якіх не адна асоба несумненна папоўніць склады бельскіх мастацкіх ансамбляў — тэатральных і спявачых, якія і сёння выступяць — „Васілёчкаў”, „Курантаў”, „Маланкі”, а найперш дзіцячых, з бельскага Комплексу школ з беларускай мовай.

• Месца выхаду: Беласток
• Дата выхаду: 2007-08-19
• Рэдактар: Вапа Яўген
• Выдавец: Праграмная рада тыднёвіка Ніва
• Выдавецтва/ друкарня: Orthdruk, Białystok
• Copyright: © 2007 by Праграмная рада тыднёвіка Ніва
• Кнігазбор: Kamunikat.org
• Дадатковая даведка: Zrealizowano przy udziale wsparcia finansowego Ministra Spraw Wewnętrznych i Administracji; Tekstów nie zamówionych redakcja nie zwraca. Zastrzega sobie również prawo skracania i opracowania redakcyjnego tekstów nie zamówionych. Za treść ogłoszeń redakcja nie ponosi odpowiedzialności. http://niva.iig.pl Выданьне публікуецца тут за ласкавай згодай Рэдакцыі й Праграмнай рады тыднёвіка Ніва