Ніва 2009/48 (2794)

тыднёвік беларусаў у Польшчы

— Калі ў 2006 годзе прыехалі мы ў Польшчу ў рамках праграмы Каліноўскага, — распавядае Анатоль Міхнавец, — сустрэлі шмат людзей, шмат беларусаў, свядомых і несвядомых. Перакідваліся рознымі словамі, з якіх нічога не вынікала. Пасля пачаліся палітычныя акцыі, але і заадно сваркі — я з такой партыі, я з іншай, я за тым, а я за гэтым. Каб не адбудоўваць Беларусі ў Польшчы, што па-сутнасці немагчымае, каб не займацца толькі палітыкай, мы стварылі ініцыятыву „Беларуская нацыянальная памяць”. Варшава ў 2006 годзе пазнала студэнтаў з Беларусі 8 верасня. У гадавіну перамогі пад Оршай сарганізавалі яны шэсце па завулках сталіцы, звязаных з жыццём генерала Станіслава Булак-Балаховіча. — Наша гісторыя поўная незвычайных, цікавых фактаў, якія трэба вяртаць памяці, — кажа Анатоль Міхнавец. — Мне марыцца такая акцыя, якая, здаецца, была накіравана да польскіх вучняў і называлася „Невядомы герой”. Дзеці былі мабілізаваны да пошукаў герояў сярод сям’і, суседзяў, старэйшых людзей, з якімі сустракаюцца. Хочам і ў нас інспіраваць такія гістарычныя пошукі.

Каталёг: Kamunikat.org

Пэрыёдыка: Ніва

Выдаўцы і выдавецтвы: Праграмная рада тыднёвіка Ніва

Месца выхаду: Беласток
Дата выхаду: 2009-11-29
Рэдактар: Вапа Яўген
Выдавец: Праграмная рада тыднёвіка Ніва
Кнігазбор: Kamunikat.org

Камунікат.org – Беларуская Інтэрнэт-Бібліятэка

Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк