Ніва 2010/49 (2847)

тыднёвік беларусаў у Польшчы

Яўрэі здаўна жылі ў Бельску-Падляшскім, у непадалёк распаложанай Орлі і іншых мясцовасцях Бельскай зямлі. Калі б не Другая сусветная вайна і Галакост, пэўна пражывалі б тут да сёння. Старшыня аб’яднання „Музей малой айчыны ў Студзіводах” Дарафей Фіёнік, заадно гісторык і фалькларыст, ад нейкага часу даследаваў гісторыю жыдоў у Бельску-Падляшскім. Важныя і цікавыя моманты з іх жыцця прэзентуе ён у апошнім нумары часопіса „Бельскі Гостінэць”, з якім 26 лістапада пазнаёміў бяльшчан у час сустрэчы ў музеі ў Ратушы. Аднак яшчэ да гэтай сустрэчы адбылося ўрачыстае адкрыццё мемарыяльнай дошкі, прысвечанай памяці жыдоўскай грамадскасці Бельска-Падляшскага. Знаходзіцца яна побач скрыжавання вуліц Казімяжоўскай і Казаноўскага (побач комплексу з крытым басейнам). — Тут было цэнтральнае месца жыцця бельскіх жыдоў, тут знаходзілася бажніца, непадалёк была школа, лазня і дамы, якія насялялі яўрэі, — гаварыў Дарафей Фіёнік ля памятнай дошкі. Яе ўрачыста адкрылі Дарафей Фіёнік, Ева Охман-Храбалоўская — нашчадак бельскіх жыдоў і Анатоль Вап — дырэктар дэпартамента культуры і нацыянальнай спадчыны Маршалкоўскай управы ў Беластоку. (А. Мароз, Яўрэі ў Бельску-Падляшскім, фрагмэнт)

Каталёг: Kamunikat.org

Пэрыёдыка: Ніва

Выдаўцы і выдавецтвы: Праграмная рада тыднёвіка Ніва

Месца выхаду: Беласток
Дата выхаду: 2010-12-05
Рэдактар: Вапа Яўген
Выдавец: Праграмная рада тыднёвіка Ніва
Кнігазбор: Kamunikat.org

Камунікат.org – Беларуская Інтэрнэт-Бібліятэка

Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк