Ордэн Белай Мышы

Выданьне апавяданьня і эсэ Уладзімера Арлова, якое пабачыла сьвет у менскім выдавецтве “Мастацкая літаратура” ў 2003 годзе, названае ад першага апавяданьня, што распачынае зборнік. Ці можна ўявіць сабе адну краіну, дзе ёсьць адзін кароль, адзін паліцэйскі, адзін студэнт. Усё выдатна, бо няма рухавіка, які рухае гісторыяй – спаборніцтва. Спаборніцтва думак, спаборніцтва здольнасьцяў. Аднак у плын рутыннага жыцьця, як яблык раздору, аўтар дадае рэч, якая таксама адна – Ордэн Белай Мышы, які вядома можа належыць толькі аднаму кавалеру. Дух змаганьня прымушае перажыць і пераасэнсаваць сэнс звычайнага, штодзённага жыцьця адной краіны. Акрамя “Ордэна белай мышы ў зборнік былі ўключаныя як найбольш вядомыя эсэ і апавяданьні аўтара з цыклю “Полацкія апавяданьні, гэтак і новыя на тэмы сучасныя і вечныя.

• Месца выхаду: Менск
• Дата выхаду: 2003
• Рэдактар: Паланейчык І. М.
• Выдавец: Мастацкая літаратура
• ISBN: 985-02-0611-X
• Катэгорыя: Гісторыя, Мастацкая літаратура
• Copyright: © 2003 by Уладзімір Арлоў, ВРУП Мастацкая літаратура - афармленне
• Кнігазбор: Kamunikat.org, Каталёг MiOKB
• Інвэнтарныя нумары: MiOKB — 8368