Падарунак чытачам – новая кніга пра Алеся Бяляцкага

2025-01-08 17:37

Навагодні падарунак! Вашай увазе і прачытанню новая кніга “Алесь. За беларускае жыццё…”, прысвечаная Нобелеўскаму лаўрэату прэміі міру Алесю Бяляцкаму. Выданне стала магчымым дзякуючы супольнай працы трох беластоцкіх структураў: Беларускага Радыё Рацыя, тыднёвіка беларусаў у Польшчы “Ніва” і Цэнтра Грамадзянскай Адукацыі Польшча-Беларусь.

“Алесь. За беларускае жыццё…” СПАМПУЙ КНІЖКУ!

Змест кнігі складаюць размовы Міхася Андрасюка з Алесем Бяляцкім з цыклу “Вочы ў вочы”, якія гучалі на Беларускім Радыё Рацыя, успаміны Алеся Бяляцкага пра музей Максіма Багдановіча, якія таксама друкаваліся на нашым сайце, інтэрв’ю Алеся Бяляцкага, якія гучалі на нашым радыё, Нобелеўская прамова, якую зачытвала жонка лаўрэата Наталля Пінчук, апошняе слова Бяляцкага на палітычным карным працэсе і яго лісты з савецкага войска, якія друкуюцца ўпершыню.

Выданне багата ілюстраванае фатаздымкамі, якія адлюстроўваюць асобу Алеся Бяляцкага з самога дзяцінства аж да моманту апошняга зняволення.

Крыніца: Беларускае Радыё Рацыя

Камунікат.org – Беларуская Інтэрнэт-Бібліятэка

Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк