Pater Noster 12 (32)

Традыцыі Раства Усе мы больш-менш ведаем, якія традыцыі ў нас адзначаць Раство, але нам таксама цікава, якія мэтамарфозы зь імі адбываліся і адкуль яны вядуцца. Калісьці мы ўжо пісалі пра вігілійную вячэру і стравы, якія да яе падаюцца. А зараз успомнім яшчэ некаторыя чароўныя рэчы. А менавіта зьяўленьне ў нашых хатах СантаКлауса і калядаваньні. Звычай калядаваць – хадзіць па хатах зь песьнямі і жартамі, часта пераапранутымі, і выпрошваць што-небудзь смачнае са сьвяточнага стала – існуе па ўсёй Эўропе яшчэ з дахрысьціянскіх часоў. Старажытныя людзі тады арыентаваліся па прыроднаму календару, і такім чынам сьвяткавалі ўсё падрад. А самыя вясёлыя святы прыходзіліся на той час, калі зьмяняліся поры года, бо гэта заўсёды азначала новае жыцьцё. Таму звычка калядаваць перайшла і ў хрысьціянскі сьвет. І вось людзі па ўсёй Эўропе калядуюць перад Вялікім Пастом (гэтая звычка зараз адгукаецца ажно ў далёкай Бразыліі падчас карнавалу), у вігілію Дня Ўсіх Сьвятых, і, канешне, падчас Раства. Бо Хрыстос нарадзіўся як раз у той пэрыяд, які для ўсіх зьяўляецца сьветлым і радасным момантам – сонца пачынае ўсё даўжэй затрымлівацца над зямлёй, паварочваецца да лета.

• Месца выхаду: Жлобін
• Дата выхаду: 2006-12
• Рэдактар: Арцёменка Алена
• Выдавец: Рымска-каталіцкая парафія сьвятога Казіміра ў Жлобіне
• Copyright: © 2006 by Pater Noster
• Кнігазбор: Kamunikat.org
• Дадатковая даведка: Адрас: 2472 10; Гомельская вобл., г. Жлобін, вул. Юных піянэраў, 24 . Тэл./факс: (+37523) 42-94-84. GSM: (+37529) 630-87-79. е-mail: сentrum.pn@gmail.com. Выдаецца зь ліпеня 2004 г. на беларускай мове (клясычны правапіс). Надрукавана на ксэраксе. Наклад: 299 асобнікаў. Выданьне публікуецца тут за ласкавай згодай Рэдакцыі