Покліч Волі 20 (69) 2009

"Каб вас так лячылі!". Як аказалася, тутэйшая фармацэўтычная прамыс­ловасць, медычная сістэма ўцэлам і разам з імі сістэма палітычная выявілі ўсю сваю неэфектыўнасць і адсталасць перад выклікамі тых пагрозаў, якія паўстаюць перад чала­вецтвам у новым тысячагоддзі. І наступствамі ўсяго гэтага прымітывізму становіцца хлусь­ня, якая і з’яўляецца асноўнай прыладай для маніпуляцыі гра­мадскай свядомасцю. Хлусьню пра наяўнасць усіх неабходных лекаў у аптэках можна было праверыць лягчэй за ўсё, але за часамі Лукашэнкі народ так прызвычаіўся да рэ­гулярнага падману, што, відаць, лічыць хлусьню неабходным элементам сацыяльнага і палітычнага жыцця. Праўда ж у тым, што ў віцебскіх аптэках і дасёння нель­га купіць ані аксалінавай мазі, ані інтэрферону, ані анаферону... Да таго ж сусветная арганізацыя аховы здароўя распаўсюдўзіла інфармацыю пра недаказа­ную эфектыўнасць арпетолу і арбідолу. Нас жа запэўнівалі ў тым, што тутэйшы арпетол—эфектыўны сродак і яго будуць вырабляць у тры змены, каб за­бяспечаць усіх, хто мае патрэ­бу. Пра “ якасць” вытваранага ў гэткім аўральным рэжыме лека­вага сродку адмоўна гавораць нават аптэкары, якія нам потым яго і прадаюць.

• Месца выхаду: Віцебск
• Дата выхаду: 2009-11
• Рэдактар: Салодкі Сяржук
• Copyright: © 2008-2010 by Покліч Волі
• Кнігазбор: Kamunikat.org