Праз смерць i пакуты

Другая сусветная вайна для мяне вельмі балючая тэма. І пагэтаму ў чарговы раз хочацца нагадаць нашым нашчадкам, што вайна — гэта не толькі ўзнагароды, ордэны, медалі ды зоркі герояў, а яшчэ шматмільённыя чалавечыя страты, вайна – гэта зруйнаваныя гарады і мястэчкі, холад і голад, нявінна пралітая кроў і смерць ні ў чым непавінных жанчын, старых, юнакоў і немаўлят. Патрэбна, каб наша моладзь ведала і памятала пра тых, каму мы абавязаны сённяшнім мірным і блакітным небам над галавой. Пагэтаму прапаноўваю вашай увазе кнігу, у якой хачу расказаць з чым сутыкнуліся і праз якія пакуты ваеннага ліхалецця прайшлі нашы землякі ў мінулым стагоддзі. А спачатку, пакуль пойдзе дэталёвая гаворка пра патрыётаў і абаронцаў нашай бацькаўшчыны, хачу нагадаць, у якіх маляўнічых беларускіх мясцінах яны нарадзіліся і чым знакамітыя гэтыя мясціны ўсяму свету (Ад аўтара).

• Месца выхаду: Маладзечна
• Дата выхаду: 2022
• Кнігазбор: Kamunikat.org