Пяты выпуск альманаха ЕГУ “CTRL+S” прэзентуюць у Вільні

2026-03-04 16:44

З'явіўся пяты выпуск альманаха Еўрапейскага гуманітарнага ўніверсітэта «CTRL+S», прысвечанага культурнай спадчыне. Тэма сёлетняга выдання — «Пачатак спадчыны». 5-годдзе альманаха ўсіх ахвочых запрашаюць адзначыць 6 сакавіка ў Віленскім беларускім музеі.

«Мы паспрабавалі ўхапіць феномен? як старое і мала патрэбнае становіцца каштоўным, хто запускае гэты працэс і, галоўнае — чаму?» — каротка тлумачыць канцэпцыю выпуска навуковы рэдактар Сцяпан Стурэйка.

Прэзентацыя новага выдання і святкаванне 5-годдзя альманаха «CTRL+S» пройдзе ў Вільні 6 сакавіка.

Пачатак: 18:30

Адрас: Vilniaus g. 20 (Віленскі беларускі музей імя І. Луцкевіча)

У праграме:

міні-выстава, прысвечаная кароткай, але насычанай гісторыі альманаха;

прэзентацыя найноўшага пятага выпуска;

сустрэча з аўтарамі;

магчымасць набыць прыгожы папяровы асобнік;

і яшчэ спадарству будзе яўлены сапраўдны цуд нараджэння спадчыны.

З папярэднімі выпускамі можна азнаёміцца на адмысловым сайце journals.ehu.lt.

Крыніца: Міжнародны саюз беларускіх пісьменнікаў

Камунікат.org – Беларуская Інтэрнэт-Бібліятэка

Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк