Сабакі Эўропы

Гэты раман — шэсьць вялікіх гісторый, сплеценых у адзін мудрагелісты вузел, разблытаць які ня дасьць рады ніхто. Прынамсі, на гэта спадзяецца аўтар. На амаль дзевяцістах старонках кнігі ўступаюць ў складаныя альхімічныя рэакцыі гарады, сюжэты, людзі, алюзіі, словы. Што злучае вёску Белыя Росы-13, якая знаходзіцца на тэрыторыі Расейскага Райху, і constructed language, таемную мову бальбута? Чаму беларуская шаптуха выпраўляецца на далёкую выспу, дзе будуецца ідэальная краіна Крыўя? Што за пасланьне закапалі ў лесе вучні звычайнай сярэдняй школы, і чый труп знаходзяць у 2049 годзе ў танным бэрлінскім гатэлі? «Час пісаць антыбэстсэлер», — упэўнены аўтар «Сабакаў Эўропы», рамана-выкліку: чытачам, крытыкам, перакладчыкам, а найперш самому сабе.

• Месца выхаду: Вільня
• Дата выхаду: 2017
• Выдавец: Логвінаў
• Памеры: 896 с.
• ISBN: 978-609-8213-21-8
• Катэгорыя: Мастацкая літаратура
• Copyright: © 2017 by Альгерд Бахарэвіч, Логвінаў - афармленне
• Кнігазбор:
  • прыватны кнігазбор у Беластоку (папяровы асобнік)