Сустрэча з набелісткай Святланай Алексіевіч у Варшаве

Госці Новага Тэатра: Святлана Алексіевіч

дата і час: 16 чэрвеня 2025 года, 19:00–21:00

месца: Фае Новага Тэатра / Новая Кнігарня, ul. Madalińskiego 10/16, 02-513 Варшава, Польшча

мова сустрэчы: руская / беларуская, з перакладам на польскую мову

уваход вольны

Пра аўтарку:

Святлана — лаўрэатка многіх міжнародных узнагарод, сярод якіх: Прэмія Нацыянальнага таварыства літаратурных крытыкаў ЗША, Прэмія імя Эрыха Марыі Рэмарка за мір, Прэмія Шведскага ПЭН-клуба, Лейпцыгская кніжная прэмія за ўнёсак у еўрапейскае паразуменне, Прэмія імя Андрэя Сіняўскага, Прэмія Фонду імя Фрыдрыха Эберта, французскі ордэн Мастацтва і Літаратуры (афіцэрская ступень), Прэмія імя Станіслава Вінцэнза «Новая культура Новае Еўропы», Літаратурная прэмія Цэнтральнай Еўропы «Angelus». Святлана Алексіевіч двойчы атрымлівала Прэмію імя Рышарда Капусцінскага: у 2011 годзе за кнігу «У вайны не жаночы твар», а ў 2015 — за «Час second-hand. Канец чырвонага чалавека».

З’яўляецца ганаровай старшынёй і сябрай Рады Беларускага ПЭНа, які пасля ліквідацыі ў Беларусі працягвае сваю дзейнасць у Польшчы.

У кастрычніку 2020 года была вымушана пакінуць Беларусь, бо падтрымала пратэсты грамадства супраць фальсіфікаваных прэзідэнцкіх выбараў і асудзіла гвалт у дачыненні да мірных дэманстрантаў. 

Святлана Алексіевіч асудзіла вайну Расіі супраць Украіны.

Пра мадэратарак:

Мадэраваць сустрэчу будць Таццяна Нядбай і Юстына Чэхоўска.

Таццяна Нядбай — беларуская літаратарка, перакладчыца, праваабаронца, старшыня Рады Беларускага дома правоў чалавека імя Барыса Звозскава і старшыня Беларускага ПЭНа. Аўтарка кніг паэзіі «Сірэны спяваюць джаз» і «Там, за сцяной», а таксама перакладаў з ангельскай і польскай моваў. Лаўрэатка прэміі «Дэбют» імя Максіма Багдановіча. Заснавальніца выдавецтва «Połackija Łabirynty».

Юстына Чэхоўска — польская перакладчыца шведскай і нарвежскай літаратуры, культурная дзяячка. Лаўрэатка ўзнагароды імя Віславы Шымборскай (2018), узнагароды Шведскай акадэміі для перакладчыкаў (2023). Сузаснавальніца Аб’яднання літаратурных перакладчыкаў (Stowarzyszenie Tłumaczy Literatury) і Фонду літаратуразнаўчых даследаванняў; суарганізатарка Гданьскіх сустрэч перакладчыкаў літаратуры «Odnalezione w tłumaczeniu».

Пра арганізатара:

Беларускі ПЭН быў заснаваны ў 1989 годзе ў Беларусі, а з 2021 года дзейнічае ў Польшчы як аб’яднанне. Ён падтрымлівае свабоду слова, абараняе правы пісьменнікаў і іншых дзеячаў культуры, а таксама працуе дзеля развіцця беларускай літаратуры і культуры. З’яўляецца часткай PEN International і сеткі Human Rights House Network. Арганізуе літаратурныя прэміі, фестывалі, мастацкія і адукацыйныя праекты. Ажыццяўляе маніторынг парушэнняў культурных правоў і правоў чалавека ў дачыненні да дзеячаў культуры. Станам на 31 траўня 2025 года ў Беларусі з палітычных прычын пазбаўлены волі як мінімум 36 літаратурных дзеячаў і прынамсі 154 прадстаўнікі культурнай сферы.

Арганізатар падзеі — Беларускі ПЭН, суарганізатар — Новы Тэатр (Nowy Teatr), партнёр — горад Варшава.

Ілюстрацыя цыклу: Jarosław Danilenko

Фота: Mateusz Skwarczek / Agencja wyborcza.pl