Свежы раман Твардаха пра вайну ва Украіне выходзіць па-беларуску

2025-09-20 14:49

Выдавецтва «Янушкевіч» анансавала выхад рамана Шчэпана Твардаха «Нуль» у перакладзе на беларускую мову ў кастрычніку. Арыгінал пабачыў свет па-польску ў лютым 2025 году. Пераклала навінку Кацярына Маціеўская.

«Шчэпан Твардах разрывае шаблоны, прымушае задумацца і развітацца са зручнымі ілюзіямі і стэрэатыпамі. Наколькі важныя, наколькі жорсткія ў сваёй праўдзе тэксты ён піша», — каментуюць анонс у выдавецтве.

«„Нуль“ — гэта кніга пра сапраўдную вайну, але апісаныя ў ёй героі і падзеі — выдуманыя, бо мусяць такімі быць, каб я мог расказаць пра гэтую вайну як мага больш праўдзіва. (...) Супадзенні што да рэальных людзей, падзей і вайсковых аддзяленняў могуць, але не абавязаныя быць выпадковымі», — так выказваецца пра свой твор сам аўтар.

Продажы пачнуцца ў канцы кастрычніка. Арыгінальнае польскае выданне выйшла ў лютым 2025 года.

Крыніца: Міжнародны саюз беларускіх пісьменнікаў

Камунікат.org – Беларуская Інтэрнэт-Бібліятэка

Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк