Сьвітанак 1 (91) 2010

Стань Міронам! Пачатак 2009 года на Беларусі адзначыўся патрыятычным учынкам віцебляніна Сяргея Каваленкі. На праваслаўнае Ражство на самай галоўнай 35-мятровай ялінцы Віцебшчыны беларускі патрыёт падняў святы бел-чырвона-белы сцяг. Гэты патрыятычны учынак знайшоў вялікі водгук у сэрцах беларусаў ўсяго свету. Пасля таго, як разгубленае, напужанае віцебскае кіраўніцтва праз пракуратуру за­гадала кінуць Сяргея Каваленку ў СІЗА на два месяцы для “раскруткі” яго на крымінальную справу, Сяргей стаў вядомы усім беларусам. Чалавекам, які зрабіў надзвычайны учынак – падняў да сонца вялікі сімвал Беларусі – нацыянальны бел-чырвона-белы сцяг. Сцяг, які акупацыйны рэжым, праз падман наро­да, дзеля асімяляцыі беларусаў замяніў на камуністычна-сталінскі чырвона-зялёны сця­жок. Рада БНР, дэмакратычныя актывісты выказалі адназначную падтрымку патрыёту і патрабавалі неадкладнага яго вызвалення з СІЗА на вул. Гагарына ў Віцебску. Акупацыйнае кіраўніцтва пад ціскам грамадскага абурэння, пад ціскам салідарнасці з Сяргеем усіх свядо­мых беларусаў, пужаючыся масавых акцый пратэсту супраць акупацыі Беларусі вымуша­на было вызваліць патрыёта. Каваленка стаў сімвалам нацыянальнага супраціва, стаў Ры­царам Сцяга.

• Месца выхаду: п/а Амбросавічы, Шумілінскі раён
• Дата выхаду: 2010-01
• Рэдактар: Шчамлёў Аляксандр
• Copyright: © 2008-2010 by Сьвітанак
• Кнігазбор: Kamunikat.org