У Беластоку распачаў сваю працу 12-ты Кніжны кірмаш

2025-04-25 16:21

:/:

У Беластоку пачаў сваю працу 12-ты Кніжны кірмаш і літаратурны фестываль «На сумежжы культур». Ён будзе доўжыцца да 27 красавіка. Традыцыйна на ім працуе стэнд з кнігамі беларускіх незалежных выдаўцоў. Тут прадстаўлены і кнігі Праграмнай рады тыднёвіка беларусаў у Польшчы «Ніва».

Кажа журналіст «Нівы» Міхал Іванюк:

— Тут прадстаўлены кнігі, якія былі выдадзены ў апошнія гады. Ёсць найшоўшая кніга пра Алеся Бяляцкага, вельмі папулярная. Ёсць кніга прысвечаная бежанству ў двух мовах — па-польску і па-беларуску. Ёсць кніга з рэпартажамі Уршулі Шубзды. І шмат іншых кніг. Кожны, хто купіць кнігу, атрымае ў падарунак тыднёвік «Ніва».

Сёння каля стэнда незалежных беларускіх выдавецтваў а 16-й гадзіне адбудзецца аўтограф-сесія Міхала Андрасюка, які прадставіць кнігу «Żubr» перакладзеную на польскую мову. А 17-й гадзіне адбудзецца аўтограф-сесія Уладзіміра Хільмановіча, які прэзентуе нядаўна выдадзены «Беларускі каляндарны энцыклапедычны даведнік».

Цалкам матэрыял слухайце ў далучаным файле.

Беларускае Радыё Рацыя

Крыніца: Беларускае Радыё Рацыя

Камунікат.org – Беларуская Інтэрнэт-Бібліятэка

Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк