Узгорак 26/2010

Ад паперкі да рэальнасці. Вуліцу Рытава горацкія чыноўнікі “адрамантавалі” яшчэ месяц назад. Праўда, толькі на паперы. На гэта звярнулі ўвагу рэгіянальны партал horki.info, наша газета. Нават самы папулярны веб-рэсурс Беларусі tut.by размесціў інфармацыю пра гэта. Нарэшце дзіркі ў дарозе ўсё ж залаталі. Нагадаем, што ў траўні жыхары Горак, якія жывуць на вуліцы Рытава, падпісалі петыцыю з просьбай адрамантаваць дарогу У атрыманым адказе за подпісам намесніка старшыні райвыканкама А.І.Папытаева сцвярджалася, што мясцовае камунальнае прадпрыемства "ажыццявіла падсыпку асфальтавага пакрыцця гравійнай сумессю”. Пераканацца ў гэтым не было ніякай магчымасці: і жыхары Рытава, і незалежныя журналісты, па дапамогу да якіх звярнуліся абураныя гараджане, на ўласныя вочы бачылі пашкоджаную дарогу з ухабамі і выбоінамі. Публікацыі ў СМІ, трэба спадзявацца, “прысаромілі” некаторых нядбайных асобаў Вынік гэтага цяпер можна не толькі ўбачыць не ўзброеным вокам, але і адчуць. Дзякуючы працы камунальнікаў, цяпер у аўтобусе, што рухаецца па Вучгасе, не трасе, як на караблі ў шторм.

• Месца выхаду: Горкі
• Дата выхаду: 2010-07-01
• Рэдактар: Брокараў Эдуард
• Copyright: © 2010 by Узгорак
• Кнігазбор: Kamunikat.org