Выбраныя працы

Вітаўт Тумаш - адзін з шматлікіх эмігрантаў Беларусі, які толькі праз многа гадоў вяртаецца на радзіму. Вяртаецца не толькі фізічна, альбо ў ўспамінах і мемуарах, але таксама і са сваімі працамі. Нястомны гісторык і даследчык, грамадскі актывіст, сапраўдны беларус. Такім быў Вітаўт Тумаш. У выданні "Выбраныя працы" прадстаўлены найбольш цікавыя і значныя даследаванні гісторыка. Сярод іх варта вылучыць даследаванне культурных працэсаў, выданні Статута Вялікага Княства Літоўскага, пачатак друкарства на Беларусі, а таксама разгляд асобы першадрукара - Францыска Скарыны. На жаль, працы Вітаўта з'явіліся ў Менску вельмі позна (толькі ў 1993 г). З таго часу толькі некаторыя даследаванні гісторыка перыядычна з'яўляліся ў друку. Сярод выданняў, якія знаёмы беларускаму чытачу - "Скарына ў Падуі", "Паленне кнігаў Скарыны ў Маскве", "Дыпляматычная кантравэрсія 1646 году за беларускую мову". Дадзенае выданне пакуль першае і адзінае на Беларусі, якое змясціла ў сабе шматлікія грунтоўныя даследаванні гісторыка. (Н.Г.)

• Месца выхаду: Менск
• Дата выхаду: 2002
• Рэдактар: Сагановіч Генадзь
• Выдавец: Беларускі Гістарычны Агляд
• ISBN: 978-5272-09-2
• Катэгорыя: Гісторыя, Мастацкая літаратура, Біяграфіі, Мэмуары
• Copyright: © 2002 by Беларускі Гістарычны Агляд, Беларускі Інстытут Навукі й Мастацтва
• Кнігазбор: Kamunikat.org, Каталёг БГТ, Прыватны каталёг
• Інвэнтарныя нумары: BTH — 309
• Дадатковая даведка: Выданьне публікуецца тут за ласкавай згодай Беларускага Гістарычнага Агляду