Выйшла кніга «Анталогія прыгажосці. Традыцыйны беларускі касцюм»

2025-06-09 16:50

У выдавецтве «Беларусь» выйшла кніга «Анталогія прыгажосці. Традыцыйны беларускі касцюм».

Багата ілюстраванае выданне падрыхтавана выдавецтвам «Беларусь» сумесна з Нацыянальным мастацкім музеем на аснове вялікага выставачнага праекта «Анталогія прыгажосці. Традыцыйны беларускі касцюм». Партнёр праекта — Цэнтр даследаванняў беларускай культуры, мовы і літаратуры НАН.

Фота з кнігі «Анталогія прыгажосці». Крыніца: izdatelstvo. by

Прадстаўлены ў кнізе матэрыял пазнаёміць чытачоў з асаблівасцямі традыцыйнага беларускага касцюма канца XIX — сярэдзіны ХХ ст., яго ўнікальнымі рэгіянальнымі і лакальнымі варыянтамі з шасці этнаграфічных рэгіёнаў Беларусі: Заходняе і Усходняе Палессе, Падзвінне, Падняпроўе, Панямонне, Цэнтральная Беларусь.

Фота з кнігі «Анталогія прыгажосці». Крыніца: izdatelstvo. by

Выданне разлічана на гісторыкаў, этнолагаў, мастацтвазнаўцаў і шырокае кола чытачоў, якія цікавяцца гісторыяй і культурай беларускага народа.

Набыць кнігу можна на сайце выдавецтва.

Крыніца: Будзьма беларусамі!

Камунікат.org – Беларуская Інтэрнэт-Бібліятэка

Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк