«З'ехалі на гастролі і не вярнуліся»

2020-06-22 23:36

22 чэрвеня Бранскі тэатр драмы выпусціў відэа, у якім распавёў пра трупу акцёраў зніклых у Гродне ў першы дзень вайны ў 1941 годзе. Невялікі фільм агучвалі сучасныя акцёры тэатра.

У красавіку 1941 года акцёры Бранскага тэатра драмы імя Маякоўскага паехалі ў гастролі па Беларусі. У чэрвені трупа апынулася ў Гродне. 21 чэрвеня, за дзень да нападу Нямеччыны на СССР, акцёры прадставілі прэм’ерны спектакль «Машенька» паводле п’есы Афінагенава. Ён быў апошнім. Акцёры пасля невялікага адпачынку планавалі выязджаць з Гродна.

На наступны дзень пачалася вайна. Кіраўнікі трупы вырашылі сыходзіць у бок Мінска, але немцы так хутка рухаліся, што нагналі іх. Вядома, што трупа трапіла ў канцлагер пад Мінскам. Кагосьці расстралялі, а хтосьці змог вызваліцца. З 70 артыстаў дадому вярнуліся толькі 11. Лёс астатніх дагэтуль невядомы.

Руслан Кулевіч

Крыніца: HRODNA LIFE

Камунікат.org – Беларуская Інтэрнэт-Бібліятэка

Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк