За аўтапрабег салідарнасці па Лідзе – штрафы па 25 базавых

2020-07-01 14:30

:/:

Чатыром удзельнікам аўтапрабегу салідарнасці ў Лідзе прысудзілі па 25 базавых велічынь штрафу за ўдзел у несанкцыянаваным масавым мерапрыемстве.

Аляксандар Захватовіч, Павал Шыдлоўскі, Эдгар Імбрас і Сяргей Пантус зладзілі аўтапрабег па вуліцах Ліды, вывесіўшы на сваіх аўтамабілях нацыянальныя бел-чырвона-белыя сцягі.

Усіх затрымалі яшчэ 29 чэрвеня і пасля таго, як ноч яны правялі ў міліцыі, у Лідскім раённым судзе над імі адбыліся суды з аднолькавымі вынікамі. У дадатак да ўсяго – канфіскаваныя аўтамабілі да поўнай выплаты штрафаў.

Гаворыць адзін з асуджаных удзельнікаў Сяргей Пантус:

– Я лічу гэта няправільна, што калі людзей, якія за праўду, за адкрытыя выбары, за салідарнасць штрафуюць такімі вялікімі штрафамі. Тым не менш я не шкадую, што ўдзельнічаў у гэтым прабегу таму, што сапраўды салідарны.

У Лідзе выкліканы ў міліцыю яшчэ адзін удзельнік аўтапрабегу – Дзяніс Ляўковіч.

Беларускае Радыё Рацыя

Крыніца: Беларускае Радыё Рацыя

Камунікат.org – Беларуская Інтэрнэт-Бібліятэка

Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк