be
Галоўная старонка / Кнігі / Аркуш Алесь / Жыццё з літаратурай
Жыццё з літаратурай
Спампаваць
mp3

Жыццё з літаратурай

Аркуш Алесь
навіны беларускай літаратуры, кантэкст, гутаркі, партрэты, міжнародныя сувязі, пляны

Сёння ў перадачы пачуеце: беларускі ПЭН-цэнтр вылучыў Уладзіміра Някляева на атрыманне Нобелеўскай прэміі; неўзабаве выйдзе збор твораў Эдгара Алана По ў перакладзе на беларускую мову; а таксама рэцэнзію на кнігу Мікола Касцюкевіча «Германія» // На сёлетнюю Нобелеўскую прэмію можа быць намінаваны беларускі літаратар. Беларускі ПЭН-цэнтр пачаў падрыхтоўку да вылучэння Уладзіміра Някляева на самую прэстыжную літаратурную прэмію ў свеце. Сам паэт і грамадскі дзеяч цяпер знаходзіцца пад хатнім арыштам у чаканні суда ў справе акцыі 19-га снежня, яму забаронена кантактаваць з паплечнікамі і журналістамі. З прапановай такога вылучэння выступіў паэт Генадзь Бураўкін.

:
::
На сёлетнюю Нобелеўскую прэмію можа быць намінаваны беларускі літаратар. Беларускі ПЭН-цэнтр пачаў падрыхтоўку да вылучэння Уладзіміра Някляева на самую прэстыжную літаратурную прэмію ў свеце. Сам паэт і грамадскі дзеяч цяпер знаходзіцца пад хатнім арыштам у чаканні суда ў справе акцыі 19-га снежня, яму забаронена кантактаваць з паплечнікамі і журналістамі. З прапановай такога вылучэння выступіў паэт Генадзь Бураўкін. Аркуш Алесь
00:00
Саюз беларускіх пісьменнікаў вытрымаў ціск. Старшыня старэйшай творчай арганізацыі Беларусі Алесь Пашкевіч падвёў вынікі кампаніі па пераследу сябраў саюзу, а таксама распавёў пра адносіны з праўладным пісьменніцкім саюзам і падзяліўся сваімі развагамі, наконт таго, ці варта незалежным творцам браць удзел у імпрэзах, зладжаных цяперашнімі ўладамі. Акром таго, арганізацыя абвесціла конкурс, аналагу якому ў Беларусі яшчэ не было. З Алесем Пашкевіча пагутарыў Сяргей Будкін. Аркуш Алесь
00:00
Літаратары-перакладчыкі, сябры часопісу “Прайдзісвет” рыхтуюць да выдання новую кнігу – збор твораў амерыканскага класіка літаратуры Эдгара Алана По. Праца над новым выданнем вялася з ініцыятывы маладых перакладчыкаў, наведвальнікаў перакладчыцкай майстэрні пры беларускім калегіюме, пры дапамозе паэта Андрэя Хадановіча. Аркуш Алесь
00:00
Прадстаўнікі дэмакратычнай грамадскасці Гродна выступілі з чарговай ініцыятывай па ўшанаванні вядомага гарадзенскага пісьменніка Аляксея Карпюка. Калі мясцовыя ўлады не жадаюць надаваць імя Аляксея Карпюка гарадской вуліцы, дык хаця б варта было павесіць мемарыяльную шыльду на доме, дзе жыў пісьменнік, - лічыць прафесар гарадзенскага купалаўскага універсітэта Аляксей Пяткевіч Аркуш Алесь
00:00
Мікола Касцюкевіч нарадзіўся ў 1967 годзе ў горадзе Мінску, дзе і жыве да гэтага часу. Працаваў мулярам-мантажнікам, грузчыкам у цырку, рабочым на мясакамбінаце, целаахоўнікам, памочнікам дырэктара прыватнага прадпрыемства, вартаўніком у Нацыянальнай бібліятэцы. Аўтар трох кніг. Зборнік паэзіі і прозы «Германія» выдаў у 1995 годзе ў менскім прыватным выдавецтве «Тэхналогія». Аркуш Алесь
00:00
Працягваем знаёміць з кнігай Міколы Касцюкевіча «Германія». Старонкі з кнігі чытае Улад Грынеўскі. Аркуш Алесь
00:00
Каталёг: Kamunikat.org
Беларускія аўтары: Аркуш Алесь
Выдаўцы і выдавецтвы: Беларускае Радыё Рацыя
Выдавецкая сэрыя: Жыццё з літаратурай
  • Месца выхаду: Беласток
  • Дата выхаду: 2011-02-24
  • Рэдактар: Аркуш Алесь
  • Выдавец: Беларускае Радыё Рацыя
  • Катэгорыя: Радыёперадачы
  • Copyright: © 2010 by Беларускае Радыё Рацыя
  • Кнігазбор: Kamunikat.org
Камунікат.org – Беларуская Інтэрнэт-Бібліятэка
Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк
Fundacja Kamunikat.org | KRS 0000735360 | NIP 5423316380 | REGON 380450384 ul. Proletariacka 11 |15-449 Białystok| Polska
Правы © 2000-2024 by Kamunikat.org