Тут і цяпер (Свабода) 23 / 22.04.2009

У 2020 годзе беларусаў стане менш на 1 мільён? Так не хочацца думаць, што мы з’яўляемся самазабойцамі. З 1993 года беларускае насельніцтва, паводле статыстыкі, зменшылася амаль на 700 тысяч чалавек. Згодна з прагнозам экспертаў ААН, да 2020 года людскія страты могуць дасягнуць 1 мільёна чалавек… І гэта не нейкія там страшылкі ці фантазіі распаленага розуму пэўных вучоных. Гэта абсалютна рэальная перспектыва. “Тут і цяпер” адной з першых удалося атрымаць інфармацыю, якую ўсе апошнія гады старанна збіраў Інстытут радыяцыйнай бяспекі “Белрад”. Ім доўгі час кіраваў вядомы вучоны Васіль Несцярэнка. У мінулым годзе ён сышоў з жыцця, але матэрыялы даследаванняў яго децішча засталіся. І яны не могуць не ўражваць. “На экасістэмнае небяспечнае сучаснае становішча ў здароўі нацыі паказваюць: рост дзіцячай смяротнасці, павелічэнне колькасці нараджэння дзяцей з малой вагой, зніжэнне функцыянальных магчымасцей арганізма больш чым у 2/3 школьнікаў, скарачэнне працягласці жыцця, значны рост смяротнасці ад сардэчна-сасудзістай, цэрэбральнай і анкалагічнай паталогіі ў маладым узросце”.

• Дата выхаду: 2009-04-22
• Рэдактар: Уласаў А.
• Выдавец: ТАА Тут і цяпер
• Copyright: © 2009 by Тут і цяпер
• Кнігазбор: Kamunikat.org