Выбраныя творы

У кнізе прадстаўлены найбольш значныя творы вядомага беларускага пісьменніка-святара, айца-марыяніна Язэпа Германовіча (1890–1978), увайшоўшага ў беларускую літаратуру пад псеўданімам Вінцук Адважны. Шматграннасць яго творчай асобы прадстаўляюць творы паэзіі, прозы, а таксама ўспаміны, публіцыстыка і лісты, напісаныя ім у ранні перыяд творчасці (віленска-друйска-харбінскі) і позні, эміграцыйны, калі пасля перажытых рэпрэсій ён жыў у Лондане (Марыян Гаўз). Сярод іх такія знакамітыя ў свой час творы, як вершы з віленскага зборніка «Беларускія цымбалы» (1933), напісаная ў Харбіне, а выдадзеная ў Вільні аповесць «Хлапец» (1935), успаміны з лагернага жыцця «Кітай, Сібір, Масква» (1962). Упершыню друкуюцца лісты і ўспаміны пра бацькоў з лонданскага архіва паэта. Пяцьдзесят восьмы том кніжнага праекта «Беларускі кнігазбор».

• Месца выхаду: Мінск
• Дата выхаду: 2011
• Рэдактар: Багдановіч Ірына
• Выдавец: Кнігазбор
• Памеры: 592 с.: [8] с. іл.
• ISBN: 978-985-6976-82-0
• Катэгорыя: Гісторыя, Мастацкая літаратура, Рэлігія, Грамадзтва, Біяграфіі
• Кнігазбор: Kamunikat.org, Прыватны каталёг